بدينا من صالون صغير…مكان بسيط، ولكن فيه حلم كبير.

الخياطة كانت كتدوز بين يدين الوالدة، والتصاور كنا كنصوّروهم من الدار، والإضاءة غير بلامبا صغيرة…

ولكن كان عندنا شغف واحد: نخلقو لبسة نقيّة، راقية، وبثمن معقول للناس.

فالأيام اللّولة، ماكانوش المتابعين، وماكانوش الطلبات.كانت غير محاولات… وتجارب… وكلام الناس:

“ما غاديش ينجح”، “السوق عامر”،

“شوكون غادي يشري منكم؟” ولكن…كان الإيمان.وكان الإصرار. وكانت الخدمة من القلب.

نهار ورا نهار، زادو المتابعين…زادو التعاليق، وزادو الرسائل:

“عجباتني القطعة”، “فين نقدر نطلب؟”، “بغيت بحالها ولكن فلوّن آخر”. شوي بشوي، كبر الحلم…

والقطع ديالنا بداو يسافرو من حي صغير ففاس… حتى لمدن كثيرة فالمغرب.

كل موديل كنختاروه بيدينا. كل قطعة كنقيسوها، كنشوفو القماش، كنختارو اللون، والستايل، والتفاصيل.

ماشي تجارة… هادي صناعة ديال الثقة. اليوم Danlujo ماشي غير براند. قصة ديال ناس بداو من والو، وبغاو يقدّمو حاجة نظيفة، محترمة، راقية… ديال ناس كيديرو الجودة قبل الربح.ديال ناس ما زال خدامين بنفس التواضع ديال البدايات. لمسة محلية، تصاميم عصرية وعملية،خدمة من القلب،وتعامل فيه الاحترام قبل البيع. مرحبا بكم فالعائلة ديالنا ❤️💛 و شكراً لكل واحد وثق فينا… لأن بلاكم، ماشي ممكن نوصلو حتى حاجة.

موضة للنخبة لا للجميع ،اختاري أن تكوني انت